Рөлі оң жақта орналасқан 70 мыңнан астам көлік жолаушылар тасымалынан шығарылды

Бұл туралы Үкімет отырысында inDrive Kazakhstan компаниясының бас директоры Арай Бекембаев мәлімдеді. Оның айтуынша, мұндай көліктерді жолаушылар тасымалы үшін пайдалануға заңмен тыйым салынған.

Сонымен қатар жүргізушілердің жолдағы тәртібін бақылау үшін фотобақылау жүйесі қолданылып, 2GIS интеграциясы арқылы жылдамдық пен шаршауды бақылау тетігі енгізілді.

Наурыз айынан бері Safety Hub қауіпсіздік орталығы жұмыс істейді. Оның операторлары жылдамдықты арттырған немесе ұзақ уақыт көлік жүргізген жүргізушілерге хабарласады.

Қабылданған шаралар нәтижесінде жылдамдықты арттыру фактілерінің үлесі 42%-ға төмендеген.