Каспийдегі оқиға: әскери қызметшілердің туыстарына тегін билет беріледі

Қаза тапқан және Каспийдегі оқиғадан кейін аман қалған әскери қызметшілердің отбасы мүшелері 25 қыркүйек пен 3 қазан аралығында Air Astana және FlyArystan әуе компанияларының ішкі рейстерімен тегін ұша алады.

Тегін билет әскери қызметшілердің өздеріне де беріледі.

Бұл көмек ата-аналарына, жұбайларына, балаларына, туған аға-інілері мен әпке-сіңлілеріне көрсетіледі. Билет рәсімдеу кезінде туыстық байланысты растайтын құжаттарды ұсыну қажет.

Әуе билеттерін Air Astana және FlyArystan компанияларының сату кеңселерінен немесе әуе компанияларының ресми байланыс арналары арқылы рәсімдеуге болады.