Қазақстан Президенті Оман Сұлтанын қарсы алды

Тәуелсіздік сарайында Қазақстанға мемлекеттік сапармен келген Оман Сұлтаны Хайсам бен Тарик Әл Саидті ресми қарсы алу рәсімі ұйымдастырылды.

Салтанатты шара барысында Қазақстан Президенті Қасым-Жомарт Тоқаев пен Оман Сұлтаны Хайсам бен Тарик Әл Саид ресми делегация мүшелерін бір-біріне таныстырды.

Құрмет қарауылы ротасының бастығы рапорт беріп, Президент оркестрі Қазақстан мен Оманның мемлекеттік гимндерін орындады.

Ресми қарсы алу рәсімінен кейін екі ел басшыларының келіссөздері басталды.

Келіссөздер барысында Қазақстан мен Оман арасындағы екіжақты ынтымақтастықтың негізгі бағыттары талқыланады.