BE WOMAN ASIA 2026 форумының екінші күні өтіп жатыр

Бағдарламада көшбасшылық, жасанды интеллект, адам капиталы, кәсіпкерлік және әйелдердің кәсіби дамуы мәселелері қамтылған. Сонымен қатар балалар тәрбиесі, инклюзивті білім беру, денсаулық пен ұзақ өмір сүру тақырыптарына да назар аударылды.

Қатысушылар тәжірибе алмасып, жаңа кәсіби байланыстар орнатуға мүмкіндік алып жатыр. Бағдарлама аясында университеттердің болашағы мен Қазақстанда жасанды интеллектіні басқару мәселелеріне арналған арнайы сарапшылық кездесулер де өтуде.

Форумның негізгі мақсаты — идеяларды нақты шешімдерге айналдырып, білім мен тәжірибе арқылы жаңа мүмкіндіктерге жол ашу.