ҚОҒАМ
2026 жылғы 23 қазанда Алматыда әлеуметтік қорғау жүйесін дамытуға арналған республикалық ғылыми-практикалық конференция өтеді. «Әлеуметтік қорғау жүйесіндегі инновациялар, ғылым және пәнаралық әріптестік: зерттеулерден тәжірибеге» тақырыбындағы жиынға отандық және шетелдік сарапшылар қатысады.
Фото: Жасанды интеллект
Конференцияда әлеуметтік қызметтердің сапасын арттыру, оңалту мен инклюзияны дамыту, цифрлық және ассистивтік технологияларды енгізу, сондай-ақ сала мамандарының біліктілігін жетілдіру мәселелері талқыланады.
Бағдарлама аясында пленарлық отырыс, төрт тақырыптық секция және оңалтудың техникалық құралдары мен әлеуметтік салаға арналған заманауи шешімдер көрмесі ұйымдастырылады.
Жиында 2027–2030 жылдарға арналған Алматы декларациясы да талқыланады. Құжат әлеуметтік қорғау, оңалту және азаматтардың өмір сүру сапасын жақсарту бағытындағы халықаралық ынтымақтастықты нығайтуға бағытталған.
Өтетін орны: Алматы қаласы, әл-Фараби даңғылы, 71/27, әл-Фараби атындағы Қазақ ұлттық университетінің кітапханасы.
Уақыты: 23 қазан, сағат 08:30–19:00.
Конференцияға қатысушылар тікелей қатысады. Жекелеген шетелдік баяндамашыларға қашықтан қосылу мүмкіндігі беріледі.
Bugin.kz
Қосымшаны жүктеп алыңыз
Мемлекеттік сатып алу бойынша
8 705 324 11 61
