ӘЛЕМ
Илон Маск Дональд Трамппен украиналық ұшқышсыз аппараттарға спутниктік байланысты шектеу мәселесін талқылаған болуы ықтимал. Starlink-тегі іркілістер кейбір дрондарды пайдалануға кедергі келтіріп отыр.
The Wall Street Journal дерегінше, SpaceX басшысы бұл мәселені АҚШ президентімен жеке талқылап, шектеу енгізуді ұсынған әрі оның пікірін сұраған. Бұған дейін Маск Starlink жұмысына қатысты жауапкершілікті АҚШ үкіметіне артқан еді.
Дональд Трамп әңгіме барысында не айтқаны белгісіз. Алайда ол көпшілік алдында жағдайдан хабарсыз екенін мәлімдеп, украиналық дрондардың жұмысына кім кедергі келтіргенін анықтағысы келетінін айтқан. Соғыс министрі Пит Хегсет те Пентагон мұндай бұйрық бермегенін жеткізді.
Украиналық бөлімшелер дрондар сағатына шамамен 90 шақырым жылдамдықпен қозғалғанда байланыс үзіліп қалатынын хабарлаған. Бұл дрон-тосқауылдағыштар мен шабуылдаушы дрондарды қолдануға кедергі келтіреді. Владимир Зеленский АҚШ мемлекеттік хатшысы Марко Рубиомен мәселені талқылап, Starlink жұмысын «қалпына келтіру» қажет екенін мәлімдеді.
Bugin
Қосымшаны жүктеп алыңыз
Мемлекеттік сатып алу бойынша
8 705 324 11 61
