Путин Украина бойынша үшжақты келіссөздерді қайта бастауға дайын екенін айтты

Путиннің сөзінше, Ресей, Украина және АҚШ арасындағы келіссөздерді қайта бастау жөнінде АҚШ әкімшілігінің өкілдерімен байланыс кезінде уағдаластыққа қол жеткізілген. Кездесулердің мақсаты — түпкілікті бейбіт келісім жасалғаннан кейін Украина мен Ресейдің қауіпсіздігін қамтамасыз ету мәселесін талқылау.

Ресей президенті атысты қысқа мерзімге тоқтату емес, түпкілікті бейбіт келісім қажет екенін айтты. Қауіпсіздік мәселелерін қарастырғанда Еуропадағы қауіпсіздік құрылымы да сөз болатынын атап өтті. «Алдағы күндері жағдайдың қалай өрбитінін көреміз», — деді ол.

Ресей, Украина және АҚШ арасындағы үшжақты келіссөздердің алғашқы үш кезеңі 23–24 қаңтарда, 4–5 және 17–18 ақпанда өтті. 5–8 наурызда БАӘ астанасында өтуі жоспарланған келесі кездесу АҚШ-тың Иранға қарсы операциясы басталғаннан кейін кейінге қалдырылды. Ресей тарапы келіссөздерді қарашаның оныншы күндерінде қайта бастауға дайын екенін білдірген, ықтимал орын ретінде Әбу-Даби қарастырылып жатыр.