ӘЛЕМ
АҚШ әкімшілігі Ресей мен Украина Херсон облысындағы қалада гуманитарлық миссияға жағдай жасауға келіскенін мәлімдеді. Әскери штабтар атысты тоқтату режимі 27 қазанда басталатынын хабарлады.
Ақ үйдің мәліметінше, Алешки қаласында атысты тоқтату 29 қазаннан бастап күшіне енуі керек. Ресей мен Украина әскери штабтары бітім режимі 27 қазанда басталатынын мәлімдеді: Ресей Бас штабының басшысы Валерий Герасимов оны Мәскеу уақытымен сағат 04:00-де, ал Украина Қарулы күштерінің Бас штабы Киев уақытымен 03:00-де енгізетінін айтты.
Келісім гуманитарлық көмекті жеткізуге және бейбіт тұрғындарды эвакуациялауға мүмкіндік беруге бағытталған. Украинадағы «Халық қызметшісі» фракциясының жетекшісі Давид Арахамия қалада тұрақты гуманитарлық дәліздер ашылатынын айтты. Кремльдің баспасөз хатшысы Дмитрий Песков эвакуацияға бірнеше күн қажет болуы мүмкін екенін жеткізді.
Ақ үй бұл келісімге АҚШ-тың бірінші ханымы Мелания Трамптың ықпалы болғанын хабарлады. Ватикан бұған дейін Рим папасы XIV Левтің Ресей президенті Владимир Путинмен және Украина президенті Владимир Зеленскиймен телефон арқылы сөйлесіп, Алешкиде гуманитарлық бітім орнатуға шақырғанын мәлімдеген.
Bugin
Қосымшаны жүктеп алыңыз
Мемлекеттік сатып алу бойынша
8 705 324 11 61
