ӘЛЕМ
Ормуз бұғазы арқылы газ тасымалының тоқтауы мен жылыту маусымының басталуы Еуропадағы бағаны өсірді. Аймақтағы газ қоймаларының толу деңгейі 75 пайызға да жетпей отыр.
Иранның кемелерге шабуыл жасауы және еуропалық қоймалардағы газ қорының аздығы нарықтағы жағдайды қиындатты. Нидерландтағы TTF биржалық келісімшарттарының бағасы мың текше метріне шамамен 1150 долларға дейін көтерілді. Ұлыбританияда газ құны 3 пайызға жуық өсті.
Сарапшылар қазіргі ахуал Еуропа экономикасына 2022 жылғы дағдарыс кезіндегідей ауыр салмақ түсірмейді деп болжайды. Бұған жаңартылатын энергия көздерінің дамуы, АҚШ-тан сұйытылған табиғи газ импортының артуы және энергияны көп қажет ететін кейбір өндіріс көлемінің қысқаруы ықпал еткен.
Қоймалардағы қордың аздығы Еуропаның энергетикалық қауіпсіздігіне қатысты алаңдаушылықты күшейтіп отыр.
Әлемдік нарықта Brent мұнайының бір баррелі 114,66 доллардан саудаланып жатыр.
Bugin
Қосымшаны жүктеп алыңыз
Мемлекеттік сатып алу бойынша
8 705 324 11 61
