Starlink Украинада қайта іске қосылды: Маск пен Зеленский не деді

Зеленскийдің айтуынша, Starlink пен Starshield жұмысы бұрынғы жылдамдыққа қайта жеткен. Маск X әлеуметтік желісінде Starlink-ті адамдарды өлтіруге бағытталған ұшқышсыз аппараттар соққылары үшін пайдалануға рұқсат берілмегенін жазды. Алайда ол қандай әрекеттерді шарт бұзушылық деп санайтынын нақтыламады.

SpaceX спутниктік интернетіне шектеулер алғаш рет 14 қазанда белгілі болды. Терминалдың қозғалыс кезіндегі жылдамдығы сағатына 160 шақырыммен шектелген. Бұл шектеу, мысалы, ұстап алушы дрондардың жұмыс істеуіне мүмкіндік бермеген.

Starlink пен әскери мақсаттағы Starshield — өзара байланысты болғанымен, бөлек желілер. SpaceX ережелерінде Starlink-ті әскери мақсатта қолдануға және келісімшартта көзделмесе, дрондарды қашықтан басқаруға шектеу қойылған. АҚШ Мемлекеттік департаменті 2025 жылғы 29 тамызда Украинаға шамамен 150 миллион долларлық спутниктік байланыс қызметі мен жабдық жеткізуге рұқсат берген.