Днепрдегі вокзал мен электрпойызға шабуылдан 15 адам қаза тапты

Днепропетровск облыстық әскери әкімшілігінің басшысы Александр Ганжа 14 адамның жараланғанын хабарлаған. Олардың 13-і ауруханаға түсті, алтауының жағдайы ауыр. Жараланғандардың арасында 11 жастағы бала бар. 40 жастағы ер адамның екі аяғы кесілген.

Жұма күні таңертең тағы бір жаралы адамның көз жұмғаны белгілі болды. Украина ұлттық полициясының мәліметінше, шабуыл 29 қазанда шамамен сағат 11-де болған. «Укрзалізниця» компаниясы соққы №866 Днепр — Запорожье пойызы тұрған перронға тигенін айтты. Компания өкілінің сөзінше, эвакуация жарияланғаннан кейін 13 минут өткенде шабуыл жасалған.