Алешкиден эвакуацияланған тұрғындар Беларусь арқылы Украинаға оралды

Украина президенті Владимир Зеленскийдің хабарлауынша, тұрғындарды алып шыққан автобустар Чернигов облысына жеткен. Шекарадан өту дерегін Беларусьтің БелТА агенттігі мен Украина омбудсмені Дмитрий Лубинец те растады.

Лубинец гуманитарлық миссияның сәтті аяқталғанын жазды. Оның мәліметінше, автобустағы ең жасы үлкен жолаушы 94 жаста, ал ең кішісі бір жастан сәл асқан. Тұрғындармен бірге Украинаға олардың иттері мен мысықтары да жеткізілді.

Алешкиден Украинаға қанша адам кеткені әзірге белгісіз. Алешки ауданында 27 қазаннан 1 қарашаға дейін уақытша атысты тоқтату туралы келісім жасалған. Қалада қалған тұрғындарға азық-түлік, гигиена құралдары және генераторларға арналған отын жеткізілген.