«Қайрат» пен «Семей» футзалдан Чемпиондар лигасының плей-оффына шықты

«Семей» топтық кезеңнің соңғы турында швейцариялық «Минерваны» 5:1 есебімен жеңді. Бұған дейін семейліктер турнир қожайыны словакиялық «Лученецтен» 6:0 есебімен басым түсіп, «Барсаға» 1:6 есебімен жол берген еді. Топта бірінші орынды испаниялық клуб иеленді.

Алматының «Қайраты» бельгиялық «Спортинг-Андерлехттен» 3:8 есебімен ұтылды. Қазақстандық команда топтағы алғашқы ойында латвиялық «Бейтарды» 5:3 есебімен жеңген. Румыниялық «Юнайтед Галац» жарыстан бас тартқаннан кейін, бельгиялық Росдаледе өткен шағын турнирге қатысқан барлық команда плей-оффқа өтті.

«Семей» мен «Қайрат» өз топтарында екінші орын алды. Ережеге сай, Қазақстан клубтары өнер көрсеткен топтардан үш командадан келесі кезеңге шықты. Топтың алғашқы екі орнын иеленген клубтар 4 қарашадағы жеребе кезінде себілген командалар болады және алғашқы матчтарын сырт алаңда өткізеді. 1/8 финал ойындары 23 қарашада және 4 желтоқсанда өтеді.

Ширек финал кездесулері 8 және 19 ақпанға жоспарланған. Төрттік финалды Швейцариядағы «Биль/Бьен Арена» қабылдайды: жартылай финал 7 мамырда, финал мен үшінші орын үшін матч 9 мамырда өтеді.