Нұрқожа Қайпанов күрестен әлем чемпионатының финалында белдеседі

Финалдық белдесу Қазақстан уақытымен сағат 18:59-да басталады. Оны Qazsport телеарнасынан және арнаның сайтынан тікелей эфирде көруге болады.

Қайпанов финалға дейін төрт қарсыласын жеңді. Ол косоволық Эгзон Джониді 10:0, әзербайжандық Туран Байрамовты 4:0, тәжікстандық Виктор Рассадинді 11:0, жапониялық Ёсиносукэ Аоягиді 3:1 есебімен ұтты.

Балуан 2024 жылы әлем чемпионы атанып, 2019 жылы күміс, 2025 жылы қола жүлде алған. Азия чемпионатында 2019, 2021 және 2025 жылдары топ жарған.

Астанада күрес түрлерінен әлем чемпионаты 24 қазанда басталып, 1 қарашада аяқталады. Қазақстан құрамасының қоржынында грек-рим күресінен үш, әйелдер күресінен бір қола медаль бар.