Иран төрт елдің кемелеріне Ормуз бұғазынан өтуге рұқсат берді

Иран парламентінің Ұлттық қауіпсіздік және сыртқы саясат жөніндегі комиссия төрағасының орынбасары Амир Хаят Могаддам Үндістан, Қытай, Ирак және Қатар кемелері Ормуз бұғазы арқылы еркін өте алатынын мәлімдеді. Оның сөзінше, бұл елдердің кемелеріне қойылған шектеулер алынып, АҚШ та олардың өтуіне кедергі келтірмейді.

Могаддамның айтуынша, бұғаз арқылы өткені үшін Үндістан мен Қытай кемелерінен ақы алынады, ал Қатар кемелеріне төлем қарастырылмаған. Үндістан кемелеріне жеңілдік дәрі-дәрмек импортын қамтамасыз етуге, ал Қытай кемелеріне жасалған жағдай Бейжіңнің саяси қолдауына ие болуға бағытталған.