Астанада Арман Қырықбаев шығармашыл жастармен кездесті

Жиынға жас кәсіпкерлер, дизайнерлер, музыканттар, режиссерлер, продюсерлер, блогерлер, журналистер, ғалымдар, спортшылар, жастар ұйымдарының өкілдері мен студенттер қатысты.

Кездесуде жастарды мемлекеттік қолдау, білім беру, кәсіби дағдыларды дамыту, цифрландыру, жасанды интеллект және креативті индустрияны өркендету мәселелері көтерілді.

Министрдің айтуынша, «Тәуелсіздік ұрпақтары» гранты аясында жыл сайын 30 жасқа 3 миллион теңгеден қаржылай қолдау көрсетіледі. Сонымен қатар еліміздің 20 өңірінде жас таланттардың жобаларын жүзеге асыруға мүмкіндік беретін креативті хабтар жұмыс істейді.

Арман Қырықбаев кітап оқу мәдениетін қалыптастыру, ұлттық құндылықтарды дәріптеу және жастардың азаматтық жауапкершілігін арттырудың маңызын да атап өтті.

Кездесу ашық диалог форматында жалғасып, жастар министрге сұрақтарын қойып, өз ұсыныстарын жеткізді.