Қазақстан мен Тәжікстан саудасы тоғыз айда 26%-ға жуық өсті

Тәжікстан президентінің айтуынша, биылғы тоғыз айдағы сауда көлемі былтырғы осы кезеңмен салыстырғанда шамамен 26%-ға артқан. 2025 жылы екі елдің жылдық тауар айналымы 1,2 млрд доллар болды.

Қасым-Жомарт Тоқаев Қазақстан Тәжікстанның ірі сауда серіктестерінің үштігіне кіретінін атап өтті. Оның сөзінше, өзара жеткізілетін тауарлар көлемі мен теміржол арқылы жүк тасымалы өсіп келеді. Компаниялар бизнес-форумдар мен сауда миссияларында жасалған уағдаластықтарды орындап жатыр.

Эмомали Рахмон Тәжікстанда қазақстандық капиталы бар 130-дан астам кәсіпорын тіркелгенін айтты. Қазақстанда тәжік тарапы қатысатын 580-нен астам кәсіпорын жұмыс істейді, олардың 500-і толықтай тәжік капиталына тиесілі.

Келіссөзде инвестиция, көлік және логистика, энергетика, су ресурстары, өнеркәсіп пен цифрландыру мәселелері де қаралды. Тоқаев сапар бағдарламасына Тәжікстан елшілігінің Астанадағы жаңа кешенін ашу кіретінін хабарлады.

Президент мәдени-гуманитарлық байланыстарға да тоқталды: Душанбеде Абайдың бюсті, ал Астанада Ибн Синаға арналған ескерткіш орнатылған. Екі ел мәдениет күндерін, жастар мен ғылыми форумдарды және білім алмасу бағдарламаларын өткізеді.