АҚШ, Армения және Әзербайжан TRIPP жобасы бойынша жұмыс топтарын іске қосты

Топтардың жұмысын АҚШ Мемлекеттік хатшысының Еуропа және Еуразия істері жөніндегі көмекшісі Брендан Ханрахан, Армения сыртқы істер министрінің орынбасары Ваан Костанян және Әзербайжан сыртқы істер министрінің орынбасары Эльнур Мамедов бастады. Олардың құрамына үш елдің мемлекеттік органдарының өкілдері мен техникалық мамандар кіреді.

Үшжақты мәлімдемеде алғашқы екі жоспарлау тобы көлік және электр энергиясын жеткізу бағыттарына арналатыны айтылған. Мамандар дәлізді өңірдегі өзге инфрақұрылым нысандарымен қалай байланыстыру керегін де пысықтайды. Мәлімдемені Армения Сыртқы істер министрлігі 7 қарашада жариялады.

TRIPP — «Трамптың халықаралық бейбітшілік пен өркендеу жолы» жобасы. Оған сәйкес, оңтүстік Армения арқылы өтетін автомобиль және теміржолдар Әзербайжанның негізгі бөлігін Нахчыван автономиясымен байланыстыруы тиіс. Жоба 2025 жылғы тамызда Армения мен Әзербайжан басшыларының Ақ үйдегі келіссөздерінен кейін жарияланған. 2026 жылғы маусымда Армения мен АҚШ дәліз бойынша негіздемелік келісімге қол қойған.