ДАМУ
8 қарашадан бастап үш айдағы аударымдардың жиынтық сомасы 1 557 000 теңгеден асса, салық органдары оны тексеруі мүмкін. Бұған қоса, әр айда кемінде 100 түрлі жіберушіден ақша түсуі керек.
Бұған дейін бақылау өлшемдерінің бірі үш айдағы түсімнің 12 ең төменгі жалақыдан асуы еді. 2026 жылы бұл сома 1 020 000 теңге болатын.
Қаржы министрінің бұйрығымен шек ең төменгі жалақыға емес, айлық есептік көрсеткішке байланды. Енді тексеруге негіз болуы мүмкін сома — үш айда 360 АЕК, яғни 2026 жылы 1 557 000 теңге. Бұл бұрынғы межеден 537 мың теңгеге жоғары.
Қалған талап өзгермеді: азаматқа қатарынан үш айдың әрқайсысында 100 немесе одан көп түрлі адамнан аударым түсуі қажет. Мемлекеттік кірістер комитетінің мәліметінше, жаңа тәртіп 8 қарашада күшіне енгенімен, 2026 жылдың төртінші тоқсанына толық қолданылады. Сондықтан қазан-желтоқсандағы аударымдар осы жаңа шекпен бағаланады. Комитет мұны өлшемдердің азаматтардың жағдайын жақсартуына байланысты қабылданған шешім деп түсіндірді.
2027 жылға арналған республикалық бюджет жобасында АЕК-ті 4 325 теңгеден 4 693 теңгеге дейін көтеру жоспарланған. Осы есеппен мобильді аударымдарға қатысты шек 1 689 480 теңгеге жетуі мүмкін.
Bugin
Қосымшаны жүктеп алыңыз
Мемлекеттік сатып алу бойынша
8 705 324 11 61
