20% пайда үшін тұрғын үйдің шаршы метрі 650 мың теңгеден сатылуы керек

Османов шартты тұрғын үй кешенінің экономикасын есептеп, жер телімінің аумағын 2 гектар деп алған. Бір шаршы метрі 325 доллардан есептегенде, жер құны 6,5 миллион доллар немесе шамамен 2,9 миллиард теңге болады.

Құрылыс пен өзге шығындарды сарапшы 16,5 миллиард теңгеге бағалаған. Бұл есепте бір шаршы метрдің өзіндік құны салыққа дейін 450 мың теңге. Жерді сатып алуды қосқанда, жобаның жалпы шығыны шамамен 19,1 миллиард теңгеге жетеді. Тұрғын үйді шаршы метріне 560 мың теңгеден сатқанда, түсім 21 миллиард теңге болуы мүмкін. Ал 30% пайда көздеген құрылысшы бағаны 700 мың теңгеге дейін көтеруі керек.

Есепке аумақты абаттандыру, коммуникация тарту және инфрақұрылым жасау шығындары кірмеген. Османов құрылыс саласындағы белсенділіктің төмендеуі құрылыс материалдары, әрлеу бұйымдары, тұрмыстық техника мен қызмет көрсету салаларындағы сұранысқа да әсер етуі мүмкін екенін айтты.