ӘЛЕМ

Дженсен Хуанг кеткеннен кейін Nvidia құны $1 трлн-нан астамға түсті

Nvidia-ның нарықтық капитализациясы тоғыз күнде шамамен төрттен бірге қысқарды. Акция бағасының төмендеуіне компания басшысының отставкасынан бөлек, жасанды интеллект нарығына қатысты алаңдаушылық та әсер еткен.

Авторларды қолдау орталығы

mediabugin@gmail.com
Фото: Kursiv

11 қарашада, Дженсен Хуангтың қызметтен кететіні жарияланардан бір күн бұрын, Nvidia-ның нарықтық құны шамамен $4,2 трлн болған. 20 қарашаға қарай бұл көрсеткіш $3,14 трлн-ға дейін азайды.

Осылайша, компанияның капитализациясы шамамен $1,04 трлн-ға кеміп, акцияларының бағасы $173,73-тен шамамен $128-ге түсті. Хуанг Nvidia бас директоры қызметінен 12 қарашада жеке өміріне қатысты жанжалдан кейін кеткен. Ол компанияны 30 жылдан астам басқарған.

Директорлар кеңесі оның отставкасын қабылдап, уақытша бас директор етіп қаржы директоры Колетт Крессаны тағайындады. Кейін Хуанг компанияны басқаруға қайта оралуға дайын екенін айтқанымен, кеңес оны қызметіне қайтарудан бас тартты.

Хуангтың жеке өміріне қатысты жарияланған күдіктер оның Қытай барлау қызметімен байланысы болуы мүмкін деген әйелмен қарым-қатынасына қатысты болған. Бұл болжамдар ашық түрде дәлелденген жоқ. Nvidia акцияларына жасанды интеллект нарығының келешегі мен осы саладағы инфрақұрылымға жұмсалатын шығынның өсуіне қатысты алаң да қысым түсірген.

Мемлекеттік сатып алу бойынша

8 705 324 11 61