3 градус үсік: Алдағы күндері ауа райы қандай болады?

Синоптиктердің болжауынша, Солтүстік Қазақстан облысының аумағында жаңбыр жауады арты қарға ұласуы мүмкін. 22-23 мамыр аралығында СҚО-да -3 градус үсік күтіледі. 

«Қазгидромет» РМК мәліметінше, 22 мамырда Солтүстік Қазақстан облысында түнде кей жерлерде жауын-шашын (жаңбыр, қар) күтіледі. Күндіз кей жерлерде бұршақ жаууы ықтимал.

22-23 мамырда өңірдің кей жерлерінде тұман түсуі мүмкін. Солтүстік-батыстан соғатын жел оңтүстік-батысқа ауысады, күндіз кей жерлерде екпіні 15-20 м/с жетеді. Түнде кей жерлерде үсік 3 градус шамасында болады.

22 мамырда Петропавл қаласында бұршақ жаууы мүмкін.

22-23 мамырда қалада солтүстік-батыстан соғатын жел оңтүстік-батысқа ауысады, күндіз екпіні 15-20 м/с жетуі ықтимал.