Иран Парсы шығанағы елдеріне ұсыныс жасады

Иранның сыртқы істер министрі Мохаммед Джавад Зариф Парсы шығанағының елдеріне аймақтағы жағдайға байланысты өзара шабуыл жасамау туралы келісімге қол қоюға ұсынды.

Зариф бұл туралы, 25 мамырда өткен Ирак Сыртқы істер министрі Мұхаммед Али аль-Хакиммен болған кездесу кезінде айтты. Ол Тегеранның Парсы шығанағы елдерімен жақсы қарым-қатынаста болғысы келетінін және қауырттылықты төмендету бойынша кез-келген ұсынысты құптайтынын жеткізді.

Парсы шығанағы елдеріне Біріккен Араб Әмірліктері, Бахрейн, Сауд Арабиясы, Ирак, Иран, Катар, Кувейт және Оман жатады.