Президент бір аптада қандай іс тындырды?

Бір минуттық роликте Қасым-Жомарт Тоқаевтың халықаралық келіссөздері мен өңірлерге жұмыс сапары қамтылған.

Ақорданың ресми Twitter парақшасында Қазақстанның мемлекет басшысы Қасым-Жомарт Тоқаевтың өткен аптадағы келіссөздері мен жұмыс сапарларына қысқаша видео шолу жарияланды.

Бір минутқа жетпейтін роликте Қазақстандағы сайлауалды үгіт-насихат кезеңінде жұмысын бастаған халықаралық бақылаушылармен кездесу, президенттің Қостанайдағы Қазақстан-Ресей жастар форумында сөйлеген сөзі, Ұлттық ұлан әскери бөлімшесіндегі жиналыс, сондай-ақ Ақтөбе және Қостанай облысына жұмыс сапары қамтылған.

Бұдан бөлек, Түркияның сыртқы істер министрімен кездесу және Ұлттық инвесторлар кеңесінде сөйлеген сөзінің кадрлары бар.

https://twitter.com/AkordaPress/status/1132573750279495680