Нұрсұлтан Назарбаев жаңа басшылық лауазымға тағайындалуы мүмкін

29-мамыр күні Нұр-Сұлтанда Президент Қасым-Жомарт Тоқаевтың қатысуымен Еуразиялық Экономикалық Одақтың кезекті мәжілісі өтеді.  

Бұл отырысқа Қазақстанның бірінші Президенті Нұрсұлтан Назарбаев, Беларусияның Президенті Александр Лукашенко, Қырғызстанның Президенті Сооронбай Жээнбеков, Ресейдің Президенті Владимир Путин, сонымен қатар Арменияның премьер-министрі Никол Пашинян қатысады.

Молдованың Президенті Игорь Додон ЕЭО-ның бақылаушысы ретінде, ал Тәжікістанның Президенті Эмомали Рахмон құрметті қонақ ретінде қатысады деп күтілуде.

Мәжілісте мемлекет басшылары ЕЭО-ның дамуына байланысты маңызды сұрақтарды талқылайды. Соның ішінде ЕЭО-ның 2019-2020 жылдардағы макроэкономикалық саясаттағы бағдарын талдайды.

Сонымен қатар мәжіліс соңында ЕЭО-ның жаңа басшысын тағайдау болады деп жоспарлануда.

Ресейдегі БАҚ-тың жариялағаны бойынша, Нұрсұлтан Назарбаев Еуразиялық Экономикалық Одақтың басшысы болуы мүмкін. Оның анығы 29-мамыр күнгі мемлекет басшыларының мәжілісінде белгілі болады.