Теледебат: Тоқаевтың орнына Әшімбаев қатысады

Бүгін кешкі 18.00-де "Хабар" арнасында тікелей эфирде өтетін кандидаттар дебатына Қасым-Жомарт ТОҚАЕВТЫҢ орнына оның сайлау алды штабының жетекшісі Мәулен ӘШІМБАЕВ қатысады. Бұл шешім туралы Тоқаевты сайлауға кандидат ретінде ұсынған "Нұр Отан" партиясының баспасөз қызметі ақпарат берді. Бұл туралы zhasalash.kz хабарлайды.

"Қасым-Жомарт Тоқаев Еуразия экономикалық жоғарғы кеңесінің жиынына қатысып жатыр.Сондықтан оның атынан дебатқа сенімді өкілі Мәулен Әшімбаев қатысады",- деп мәлімдеді партияның баспасөз қызметі.

29 мамырда президент кеңесшісі Ерлан Қарин Тоқаевтың дебатқа қатыспайтынын айтқан.

Теледебатқа Жамбыл АХМЕТБЕКОВ, Әміржан ҚОСАНОВ, Төлеутай РАХЫМБЕКОВ, Амангелді ТАСПИХОВ, Сәді-Бек ТҮГЕЛ қатысатындарын айтты. Inforumburo.kz сайтының хабарлауынша, "Ақ жол" партиясының кандидаты Дания ЕСПАЕВА дебатқа қатыспайды. Оның орнына партия төрағасы Азат ПЕРУАШЕВ қатысады.