Рим папасы сығандардан кешірім сұрады

Рим папасы Франциск, өзінің Румынияға сапары барысында, католиктік шіркеудің атынан, көп ғасырлық кемсітушілік көргендері үшін сығандардан кешірім сұрады.

Румыния елінің Балада қаласында болған кездесу кезінде, понтифик "біз сіздерге қатал болып, ала көзбен қарап, кемсітушілік көрсеткен тарихтағы барлық кезеңдер үшін" кешірім сұраймын деді.

Жүз мыңдаған сыған Холокост кезінде қайтыс болған еді.

Қазіргі кезде, сығандар көбінесе Оңтүстік және Орталық Еуропада өмір сүреді. Румыния мемлекетінде, олар халықтың 10% құрайды.  Олар жұмысқа тұру кезінде, кемсітушіліктерге ұшыраймыз деп шағымданады. Олардың көбі кедейшілікте өмір сүреді.