Жүрсін Ерман: Сайлауға түссем Әміржан Қосановтан көп дауыс жинайтын едім

Жүрсін Ерман өз кандидаттығын ұсынып, ҚР Президент сайлауға түсер болса Әміржан Қосановқа қарағанда көп дауыс жинай алатынын айтты. Бұл туралы ол Talklike бағдарламасында берген сұқбатында мәлімдеді.  

Белгілі журналист Жүрсін Ерман Айтыс ақындары мен жыршы-термешілердің халықаралық одағының атынан кандидатурасын ұсынған жағдайда Әміржан Қосановтан көп дауыс жинайтынына сенімді екенін айтты. Ақындардың халыққа жақын болатынын айтып, ол ел басқармаса да, билікке отырып, халықтың мұң-мұқтажын түгендеуге қауқарлы екенін айтты.

"Әміржан Қосановтан көбірек алатын мүмкіндігіміз бар еді. Ол менің емес, айтыстың арқасы. Айтыстың халыққа сүйкімінің арқасы, халыққа танымалдылығының арқасы. Біз біраз жерге барып қалатын едік. Парламент сайлауында кандидаттыққа түсеміз", - дейді Жүрсін Ерман.