Атыңыз
E-mail
Телефон
Пароль
Тіркелу

Артқа

478.26

478.59

mediabugin@gmail.com

+22°

+21°

+25°

+17°

+23°

+20°

+19°

+24°

+22°

+23°

+20°

+27°

Алматы
Алматы Астана Ақтау Ақтобе Атырау Қараганды Қостанай Қызылорда Петропавл Тараз Өскемен Шымкент
Айдар
Айдар
Беттер
ПРОФИЛЬ
Play Market AppStore

Видеонұсқаулық

Спорт

Бекет Айсұлтан

  • 14.11.2018

  • 986

Олимпиада чемпионына арналып фильм түсірілмек

20 жасында Олимп шыңын бағындырған қазақ боксшысы туралы толықметражды деректі фильм түсіріледі

 

Авторларды қолдау орталығы

mediabugin@gmail.com

2019 жылы 20 жасында Сидней Олимпиадасының шаршы алаңында жасындай жарқылдаған белгілі былғары қолғап шебері Бекзат Саттархановқа арналып деректі фильм түсірілмек. Бұл туралы "Хабар" телеарнасының бас продюсері Айдос Тұрысбек "Казинформ" тілшісімен болған әңгімеде хабарлаған болатын.

 

"Атап айтсақ, Олимпиада чемпионы, еліміздің мақтанышы - Бекзат Саттарханов туралы биографиялық толықметражды фильм түсіруге дайындық жүріп жатыр. Бұдан бөлек, жақын арада біз еліміздегі бокс федерациясының 85 жылдығына орай деректі фильм көрсетеміз. Сондай-ақ бокстан еліміздің намысын АҚШ-да абыроймен қорғап жүрген боксшыларымыз жайында да деректі шығармалар жиынтығын дайындау жоспарда бар", - деді Айдос Тұрысбек.
 
"Хабар" телеарнасының бас продюсері бұл фильмдерді түсірудің телекөрермендер алдындағы жауапкершілігі жоғары екендігіне ерекше тоқталды. "Саттарханов туралы фильм екі тілде дыбысталады. Фильмде боксшының өмірі және үлкен спорттағы жетістіктері айтылады. Алдымен бес бөлімнен тұратын сериал түсіруді жоспарлап отырмыз, кейін бөлек биографиялық толықметражды фильм түсіріледі. Қазіргі уақытта телефильмге дайындық жұмыстары жүргізіліп жатыр, дәлірек айтсақ, боксшының ата-анасымен және оның бапкерлерімен келісім шарттар жасалынуда. Фильмді атақты режиссер Мұрат Бидосов түсіреді, ал фильм 2019 жылы көрермен назарына жол тартады" - деп хабарлады бас продюсер.

 

Сондай-ақ, продюсер фильмді түсіру жұмыстарына Қазақстанның белгілі былғары қолғап шеберлері кеңесші ретінде шақыртылатындығын, ал фильмнің негізгі бөлігі спортшының туған жері Түркістанда түсірілетіндігін атап айтты.

Еске сала кетейік, Бекзат Саттарханов 1980 жылы 4 сәуірде Түркістан қаласында дүниеге келген. Х.А.Яссауи атындағы халықаралық қазақ-түрік университетінде білім алған. Саттарханов 1998 жылы 18 жасында жастар арасындағы Азия біріншілігінде және әлем чемпионатында күміс жүлдеге қол жеткізді. 19 жасында Орталық Азия чемпионатында күміспен күптелсе, ал кейін Азия чемпионы және Орталық Азия елдерінің жеңімпазы секілді атақтарға қол жеткізді. 2000 жылы Гран-При кубогінде қарсылас шақ келтірмеді. Спортшының мансабындағы ең айтулы жетістік 2000 жылы Сиднейде өткен Жазғы Олимпиада ойындарының алтын медалі болатын. Спорттағы бокс сарапшылары Саттарханов Қазақстан үшін ең үлкен және сенсациялық боксшы екендігіне тоқталды.

Бар-жоғы 20 жасында  өзінің алғашқы мүмкіндігін сәтті пайдаланған Бекзат Саттарханов Олимпиада чемпионы деген мәңгі тозбайтын атаққа ие болды. Қазақ бокс тарихындағы жарық жұлдыз Саттарханов жол апатынан қаза тапқан болатын.