Қасым-Жомарт Тоқаев: Үкіметте жаңа адамдар болады

Қазақстан Президенті Қасым-Жомарт Тоқаев Ақордадағы баспасөз мәслихатында үкіметте жаңа адамдар болатынын айтты.

"Үкімет құрамына жаңа адамдар кіреді, оның ішінде жастар болады. Президенттік кадр тізімін дайындауға уәде бердім, оған барлық өңірден 300 адам кіреді. Бұл тізімді жаңартып отырамыз. Қазақстан болашағы жастардың қолында дегенімде жалған сөйлемедім. Солай болады да. Жұмысымның стиліне келер болсақ, конструктив диалогқа дайынмын, жұмысын орындай алмай жатқандарға қатаң шара болады", - деді Президент.

Еске салайық, 9 маусымда Қазақстанда кезектен тыс президент сайлауы өтіп, онда Қасым-Жомарт Тоқаев 70,76 пайыз дауыспен жеңіске жетті. Бұл 6 миллион 504 мың 54 дауыс.