Димаштың жаңа альбомы 37 секундта "платина" дәрежесіне жетті

Танымал қазақ әншісі Димаш Құдайбергеннің iD атты алғашқы жеке альбомы тыңдармандарға жол тартты.

Димаш Құдайберген мұндай жақсы жаңалығымен Instagram парақшасында бөлісті.

"Бір сағат бұрын алғашқы жеке альбомым шықты. 37 секундта альбом "платина" дәрежесін иеленді. Ал бір сағатта үш мәрте "платина" альбом атанды. Шексіз бақыттымын", - деп жазды Димаш.

Ол қолдау көрсеткен жанкүйерлеріне алғысын жеткізді.

"Әрқашан қолдау көрсететін тыңдармандарыма көп рахмет. Менің жетістігім сіздердің арқаңызда", - деді қазақ әншісі.

Айта кетсек, музыкалық туындының танымалдығын бағалау үшін бүкіл әлемде Америкалық дыбыс жазу компаниялары қауымдастығының (RIAA) стандарты қолданылады. Сатып алу немесе жүктеу саны 1 миллионнан 5 миллионға дейін жетсе, альбом "платина" дәрежесін иеленеді.