Мұнай танкерлеріне шабуыл жасалды

Норвегиялық және жапондық танкерлер шабуылға ұшырады.

Оқиға 13 маусымның таңғы уақытында орын алған. Тайваньдық CPC Corp пайдаланушы компаниясының ақпараты бойынша, норвегиялық Front Altair танкеріне торпедамен соққы жасалған, екінші танкер — жапондық Kokuka Courageous — танкерінің зақымдануы жайлы мәлімет жоқ.

Front Altair Тайвань CPC Corp мемлекеттік компаниясы үшін тапсырыс орындап, 75 мың тонна нафтаны (мұнай өңдеудің жанама өнімі), ал Kokuka Courageous — метанол тасымалдаған. Норвегиялық танкердегі өнім құны - 30 миллион долларға бағалануда. 

Associated Press АҚШ Әскери-теңіз күштерінің бесінші флотының танкерлерге шабуыл жасалғаны туралы хабардар деп хабарлайды. Әскери-теңіз күштері танкерлерге көмек көрсетуде. 

Кімнің шабуыл жасағаны әзірге белгісіз.