Арыстан мен Аю достаса ма?

Ұлыбритания мен Ресей дипломатиялық қарым-қатынастарды қалпына келтіру үшін мүмкіндіктерді қарастыруда, - деп хабарлайды The Guardian басылымы.

Маусым айының соңында Жапонияда өтетін "G-20" саммитінде ресейлік көшбасшы Владимир Путин мен британия премьер-министрі Тереза Мэй кездесуі мүмкін. Басылымның мәліметінше, бұл кездесудің болуы, екі жақтың өнімді келіссөздер өтеді деген сеніміне байланысты болады.

Бұл  ГРУ полковнигі Сергей Скрипаль және оның қызы Юлияны улағаннан кейінгі алғашқы кездесу болмақ. Ұлыбриятания бұл жағдайды ұйымдастырған Ресей деген айып тақты. Осы себептен, екі жақтың арақатынасы суыған болатыр. Ендігі жерде, белгілі-бір жағдайлар орындалса, Британия қарым-қатынастарды қалпына келтіруге дайын.