АҚШ Таяу Шығысқа әскер жібермекші

АҚШ Қорғаныс министрінің міндетін атқарушы Патрик Шанахан Таяу Шығысқа бір мың әскери жөнелтуді мақұлдады. Бұл туралы АҚШ қорғаныс мекемесінің сайтында айтылған.

Вашингтонның бұл шешімі Иранға Оман шығанағындағы мұнай танкерлеріне шабуыл жасады деген айыппен байланысты қабылданды. Әскери қызметшілерді жіберу "қорғаныс мақсатында" жүзеге асырылады, деп сендірді Пентагонда.

"Құрама Штаттар Иранмен қақтығыс іздемейді. Бүгінде бүкіл өңір бойынша жұмыс істейтін әскери қызметшілеріміздің қауіпсіздігі мен әл — ауқатын қамтамасыз ету және біздің ұлттық мүдделерімізді қорғау үшін шаралар қабылдануда", - делінген хабарламада.