Министр жемқорлық туралы: Маңыздысы ұстап алғаннан кейінгісі емес

Жаңа министр жемқорлықпен күресті бастады

Авторларды қолдау орталығы

mediabugin@gmail.com

Су жаңа Білім және ғылым министрі Асхат Аймағамбетов жемқорлықпен күрестің стратегиялық мәселесін қайта қарастырып жатыр. Бұл туралы Bugin.kz тәуелсіз авторлар платформасы Sputnik.kz басылымына сілтеме жасап хабарлайды.

Ақпаратқа сүйенсек, жаңа министр жемқорлыққа қарсы күрестің министрлік жұмысы үшін басым бағыттардың бірі екенін атап өткен.

"Біз қазір жобалық кеңсе ашуды жоспарлап отырмыз. Онда жемқорлықты жою бағытында нақты шаралар қабылданады. Бұған қоса, барлық құқықтық актіге, реттелмеген мәселелерге талдау жүргіземіз", - деді ол үкімет үйінде өткен баспасөз мәслихатында.

Сонымен қатар, министрдің айтуынша, мониторинг жасайтын арнайы топтар құрылады. Оның құрамына БАҚ, үкіметтік емес ұйымдар мен жұртшылық өкілдері кірмек.

"Мен жаңа министр ретінде мұның маңызды мәселе екенін түсінемін. Бұған қоса, біз қазір жемқорлықпен күрес стратегиясын қайта қарастырып жатырмыз. Маңыздысы ұстап алғаннан кейінгісі емес. Мәселе нормативтік құқықтық кемшіліктерде болып тұр. Бұл кемшіліктер көп жағдайда сыбайлас жемқорлық қылмысына себеп болып жатады", - деп түсіндірді Аймағамбетов.

Айдар

Айдар

Беттер

ПРОФИЛЬ

Министр жемқорлық туралы: Маңыздысы ұстап алғаннан кейінгісі емес