Қазақстан: 17 министрлікті кімдер басқарады? (шолу)

2019 жылы Қазақстанда көптеген маңызды өзгерістер орын алып жатыр. ҚР Тұңғыш президенті Нұрсұлтан Әбішұлы Назарбаев 2019 жылдың 19 наурызында қазақстандықтарға үндеу жолдап, жұмыс өкілеттігін тоқтататынын хабарлады. Конституция бойынша мемлекет басшысының міндеті Парламент Сенатының төрағасы Қасым-Жомарт Тоқаевқа өтті. Ал уақытша президент болып тағайындалған Қасым-Жомарт Тоқаев 2019 жылдың 9 сәуірінде халыққа үндеу жариялап, кезектен тыс президент сайлауы 2019 жылдың 9 маусымына белгіленгенін мәлімдеді. Ел тарихында алтыншы рет өткен президент сайлауына 7 кандидат түсті. Осылайша президент сайлауында Қасым-Жомарт Тоқаев 70,76 пайыз дауыс жинап, ресми түрде ҚР Президенті болып тағайындалды.

Жаңа президент еліміздегі министрліктерге өзгеріс енгізді. Министрлердің бірі қызметін сақтап қалса, бірі отставкаға кетті. Сонымен қатар екі жаңа министрлік пайда болды. Енді елімізде 17 министрлік бар. Бүгін Қазақсанда қандай министрліктер бар және оларды кімдер басқаратынына жеке-жеке тоқталып, талқылауды жөн көрдік.

Елімізде сауда және интеграция министрлігі мен экология, геология және табиғи ресурстар министрлігі құрылды. Мемлекет басышысының жарлығымен Нұр-Сұлтан қаласының бұрынғы әкімі Бақыт Сұлтанов сауда және интеграция министрі болып тағайындалса, Мағзұм Мырзағалиев экология, геология және табиғи ресурстар министрі қызметіне келді.

ҚР білім және ғылым министрі Күләш Шәмшидинова мен мәдениет және спорт министрі Арыстанбек Мұхамедиұлы қызметтерінен босатылды. Осылайша ҚР білім және ғылым министрлігіне Асхат Аймағамбетов, ҚР мәдениет және спорт министрлігіне Ақтоты Райымқұлова басшылық етеді. Сандық даму, қорғаныс және аэроғарыш өнеркәсібі министрлігі сандық даму, инновация және аэроғарыш министрлігі болып өзгертілді. Жаңартылған министрлікті Асқар Жұмағалиев басқарады.

17 министрлікті кімдер басқарады?

1. Премьер-министр Асқар Мамин

Премьер-министрдің бірінші орынбасары-қаржы министрі Әлихан Смайылов

Премьер-министрдің орынбасары Жеңіс Қасымбек

Премьер-министрдің орынбасары Гүлшара Әбдіқалықова

2. ҚР ішкі істер министрі Ерлан Тұрғымбаев

3. ҚР сыртқы істер министрі Бейбіт Атамқұлов

4. ҚР ұлттық экономика министрі Руслан Дәленов

5. ҚР денсаулық сақтау министрі Елжан Біртанов

6. ҚР ақпарат және қоғамдық даму министрі Дәурен Абаев

7. ҚР ауыл шаруашылығы министрі Сапархан Омаров

8. ҚР индустрия және инфрақұрылымдық даму министрі Скляр Роман Васильевич

9. ҚР қорғаныс министрі Нұрлан Ермекбаев

10. ҚР мәдениет және спорт министрі Ақтоты Раимкулова

11. ҚР сауда және интеграция министрі Бақыт Сұлтанов

12. ҚР еңбек және әлеуметтік қорғау министрі Бердібек Сапарбаев

13. ҚР қаржы министрі Әлихан Смайылов

14. ҚР цифрлық даму, инновациялар және аэроғарыш өнеркәсібі министрі Асқар Жұмағалиев

15. ҚР экология, геология және табиғи ресурстар министрі Мағзұм Мырзағалиев

16. ҚР энергетика министрі Қанат Бозымбаев

17. ҚР әділет министрі Марат Бекетаев

Жаңа министрліктер қандай қызмет атқарады?

Бақыт Сұлтанов басшылық ететін ҚР сауда және интеграция министрлігі

Қазақстандық тауарларды әлемдік нарықта жылжыту үшін саясатты күшейте түсіп, ішкі нарықты сапасыз импорттық тауарлардан қорғау шарасын жоғары деңгейге көшіру қажет. Сол себепті министрлік ішкі және сыртқы сауда саясатын, халықаралық экономикалық интеграцияны қадағалайды.

Мағзұм Мырзағалиев басшылық ететін ҚР экология, геология және табиғи ресурстар министрлігі

Қоршаған ортаның мүшкіл хәлі экологиямен байланысты. Сол себепті жаңа министрлік қоршаған ортаны қорғауға, табиғи ресурстарды ұтымды пайдалануға, су ресурстарын, елді-мекендерді сумен жабдықтауды, суды бұруды, орман шаруашылығын, мемлекеттік геологиялық зерттеуді, минералдық ресурстарды молайтуды бақылайды.