Түркістаннан Нұр-Сұлтан қаласына ауылшаруашылық өнімдерінің керуені жөнелтілді

Жолға шыққан жүк көліктеріне жалпы құны 123,5 млн. теңгені құрайтын 243 тонна өнім тиелген.

Айта кетерлігі, жаңа облыстың құрылғанына 1 жыл толуына орай, ағымдағы жылдың маусым айының 22-23 күндері Нұр-Сұлтан қаласында Түркістан облысы тауарөндірушілері өндірген ауыл шаруашылығы өнімдерінің жәрмеңкесі өтеді. Аталған жәрмеңкеге 39 тауарөндіруші 243 тонна ауыл шаруашылығы өнімдерін ұсынады. Өнімдердің жалпы құны 123,5 млн. теңгені құрайды. Отандық өнімдер қала тұрғындары мен қонақтарына базардағы бағадан 10-15% төмен бағада сатылатын болады.

Нұр-Сұлтан қаласында өтетін жәрменкедегі ет және ет өнімдерінің жалпы көлемі - 52,5 тонна, көкөністің жалпы көлемі – 97,8 тонна, сүт өнімдері – 18,5 тонна, бақша өнімдері– 36 тонна, жеміс-жидектің жалпы көлемі – 14,7 тонна, алма шырыны – 6 тонна, балық – 5 тонна, әсел - 2 тонна және 10,5 тонна өзге де ауыл шаруашылғы өнімдері бар.