Өзбекстан президенті прокуратура басшылығын ауыстырды

Өзбекстан президенті Шавкает Мирзиеев Республика прокуратурасында басшылықтың ауысуы туралы жариялады.

Бас прокурор Отабек Муродов пара алды деген айыптарға байланысты қызметінен босатылды. Оның орнын Нигматилла Юлдашев алды. Президент Юлдашевтен прокуратура істерінде "тәртіп орнатуды" талап етті, олай болмаған жағдайда, мекеме қызметкерлерінің 60 пайызын жұмыстан босатуға уәде берді.

Муродовқа қарсы қылмыстық іс қозғалды. Мирзиеев бұрынғы Бас прокурор "50 және 100 мың доллар" көлемінде пара алғанын мәлімдеді.

Отабек Муродов Өзбекстанның Бас прокуроры қызметін 2018 жылдың қаңтарынан бастап атқарды. Оның ізашары Рашид Қадыров ақпан айының соңында ұсталды. Оған қарсы пара алу, бопсалау және лауазымдық өкілеттігін асыра пайдалану туралы қылмыстық іс қозғалды. Оның үстінен сот 2019 қаңтарда басталды, ол жабық режимде өтіп жатыр.