Тоқаев Арысқа бір күндік жалақысын аударды

Қазақстан Президенті Қасым-Жомарт Тоқаев Арыс қаласында жарылыстан зардап шеккендерге көмектесу қорына бір күндік жалақысын аударды.

Оның бұл бастамасын Президент Әкімшілігінің; Сыртқы істер министрлігінің және Ішкі істер министрлігінің қызметкерлері де қолдаған.

Сонымен қатар, Президент Арыс тұрғындарына көмек көрсеткен барлық еріктілерге алғыс білдірді.

«Арыс тұрғындарының игілігі жолындағы ауқымды әрі пайдалы еңбектері үшін барлық волонтерлерге ризашылық білдіремін. Зардап шеккендердің жағдайы шынымен де қиын. Мемлекет оларға көмек береді. Қала мен тұрғын үйлерді қайта қалпына келтіреміз», - деді Тоқаев.

Естеріңізге сала кетсек, 24 маусым күні таңертең Түркістан облысындағы Арыс қаласының әскери бөлімшесінде жарылыс болды.

ІІМ Арыстағы жарылысқа байланысты Қылмыстық кодекстің "Қару және қауіпті заттарды сақтау ережесін бұзу" бабы (462-бап, 1-тармақ) бойынша іс қозғады.

Оқиға салдарынан көлігіне снаряд түскен бір адамның қайтыс болғаны белгілі болды. Сонымен қатар, әскери қызметкердің денесі табылды.

43 мыңға жуық адам тұратын Арыс қаласы Шымкенттен 97 шақырым жерде жатыр.

Оқиға орнына президент Қасым-Жомарт Тоқаев келді.

Кеше оқиға кезінде көптеген балалардың өз туыстарынан адасып кеткені белгілі болған. Түні бойы балаларды жақындары іздеп, олардың табылып жатқаны белгілі болды.

holanews.kz