Елорда күні мерекелік отшашу болмайды

Бірнеше күннен кейін өтетін елорда күніне байланысты Нұр-Сұлтан қаласында кемі 108 іс-шара өтеді деп жоспарланып отыр, оның ішінде сексеннен астамы тегін. Бұл туралы Bugin.kz тәуелсіз авторлар платформасы қала әкімдігінің баспасөз басылымына сілтеме жасап хабарлайды. 

Атап өтер жайт, биылғы бағдарлама әлеуметтік бағытқа арналған және көрермен кɵп қатысады деп жоспарланып отыр. Сондай-ақ, астана күнін мерекелеу аясында өтетін ақылы концерттер мен театрландырылған қойылымдардың билеттерін сатудан түскен қаржы қайырымдылық мақсаттарға жұмсалады. Концерт ұйымдастырушылары билет сатудан түскен қаржы Арыс қаласының зардап шеккен тұрғындарына арналған көмек қорының шотына аударылатын болады.

Бұл бағытта 29 маусым күні болған"Астана Арена" стадионында өткен Димаш Құдайбергеннiң "Арнау" атты жеке концерті, аты аңызға айналған мәскеулік "Современник" театрының гастролі, Тұрсынбек Қабатовтың "КТА" жобасы, және тағы басқаларын атап өтуге болады.

Сонымен қатар, қала күні аясында Есіл өзенінің жағалауында, Абылай хан даңғылы мен Пушкин көшесінің қиылысындағы саябақта, "Хан Шатыр" сауда-ойын-сауық орталығының аумағында жоспарланған мерекелік отшашу ɵтпейтiн болды. Нұр-Сұлтан қаласы әкімдігінің бастамасын мерекелік салюттардың демеушілері қолдап, арнайы қарастырылған қаржыны Арыс қаласының зардап шеккен тұрғындарына көмек көрсету қорына аудармақ