Вице-президент: "Біздің көкпаршылар атсыз барады"

ІІІ Дүниежүзілік "Көшпенділер ойыны" алғашқы күндері елдің көңілін көтерді. Алтын, күміс пен қоланы есептегенде жалпы есепте І орыннан көріндік. Дегенмен қуаныштың ұзаққа барған жоқ. 

Жартылай финалда Өзбекстан құрамасымен кездескен қазақ көкпаршылары жеңіліс тауып, қырғыз ағайындардың наразылығына тап болды. "Өмірі "көкпар" ойнап көрмеген елге қазақтардың жеңіліп беруі әдейі" деп жар салған Талас Бегалиевтың назы әлеуметтік желіде тарап кеткенін жақсы білеміз. 

Біз білетін ақпаратқа сүйенсек, жеңіліс табуымыз бергі жағы ғана. Қолымызға келіп түскен төмендегі ақпаратқа сүйенсек, Қазақстан республикасының Ұлттық спорт Ассоциасының вице-президенті Р.Б.Күлшебаев Қырғызстан елінің "Көкпар" Федерациясына хат жолдаған. 

"2018 жылы 1-8 қыркүйек арасында өтетін ІІІ Дүниежүзілік Көшпенділер ойынының "Көкпар" додасына аттар дайын болмауына байланысты Қазақстан "Көкпар" командасы жарысқа атсыз келеді. Осы жағдайға байланысты сіздерден жарыс кезінде Қазақстан командасын атпен қамтамасыз етулеріңізді сұраймыз".

Хаты соңында вице-президенттің қолы қойылған.