«Волк с Уолл-стрит» продюсері 1 MDB-дан 248 млн доллар шығарды деп айыпталуда

Малайзия прокуратурасы «Волк с Уолл-стрит» (Wolf of Wall Street) фильмінің продюсерін 1 MDB (Malaysia Development Berhad) мемлекеттік инвестициялық қорымен байланысты 248 млн долларды қалталаған деп айыпталды.

Риза Азиз – Оскарға ұсынылған фильмнің артында тұрған голливудтық Red Granite Pictures продюсерлік компаниясының тең құрылтайшысы, Малайзияның бұрынғы Премьер-Министрі Наджиб Разактың өгей ұлы ақшаны жылыстатудың бес жағдайымен айыпталған.

Риза мырза өзін барлық айыптаулар бойынша кінәлі деп танымады. Әрбір айыптау бес миллион ринггитке (1,21 миллион доллар) дейінгі мөлшерде қаржылық айыппұлға, түрмеге қамаудың ең ұзақ мерзімі - бес жыл немесе екеуімен де жазалануға әкеледі. Сот Ризаға миллион ринггиттке кепілдік беріп, төлқұжаттарын тапсыруды сұрады.

Өткен жылдың мамыр айында Махатхир Мохамадтың сайлауда күтпеген жеңілісінен кейін Наджиб мырзаға негізінен қазіргі жоқ 1 MDB шығындарымен байланысты сыбайлас жемқорлыққа қатысты айып тағылды.

2009 жылы 1 MDB негізін қалаған Наджиб мырза Қорда және басқа да мемлекеттік құрылымдардағы үлкен шығындарға байланысты 42 қылмыстық айыптауға тап болады. Ол өзін кінәлі деп танымады және құқық бұзушылықты үнемі жоққа шығарып отырды.

АҚШ Әділет министрлігінің бағалауынша, 2009 жылдан 2014 жылға дейінгі кезеңде 1 MDB-ның жоғары лауазымды шенеуніктері мен олардың серіктестері 4,5 миллиард долларды заңсыз иемденген.

1 MDB кем дегенде алты елде ақшаны жылыстату және парақорлыққа байланысты тексеріліп жатыр.АҚШ-тың прокуратурасы «Red Granite» компаниясы үш фильмді 1 MDB-дан ұрланған қорлар арқылы қаржыландырды деп мәлімдеді. 2017 жылдың қыркүйегінде Red Granite АҚШ үкіметіне «Волк с Уолл-стрит» фильміне құқықтарын азаматтық тәркілеу туралы талапты реттеу үшін 60 миллион доллар төлеген болатын.

Дереккөзі:https://www.independent.co.uk