ШҚО шахтасындағы жару жұмысы адам өліміне әкелді

Шығыс Қазақстандағы Артемьев шахтасындағы жару жұмыстары кезінде бір адам қаза тапты. Бұл туралы ШҚО  бойынша бұқарамен байланыс менеджері Ермек Дүзкенов хабарлайды.

Жару жұмыстары KAZ Mineralsқа қарасты «Шығыстүстімет» ЖШС-нің Артемьев шахтасында болған. Мерт болған кенші жару жұмыстарын жүргізетін «Самид» мердігер ұйымының қызметкері.

«2019 жылдың 17 шілдесінде сағат 20:00 шамасында «Samid» ЖШС шахта аумағында жару жұмыстары атқарылған. Осы кезде аталмыш мердігер ұйымның қызметкері жарылыстан зардап шегіп, қаза тапты. Оқиға орнындағы барлық жұмыстар тоқтатылды.», - делінген хабарламада.

Қазіргі таңда оқиғаның себептері мен мән-жайын анықтау үшін тергеу комиссиясы құрылды.