89 жасында тауға шыққан апа туралы білесіз бе?

АҚШ тұрғыны Энн Лоримор 89 жасында Африка құрлығының ең биік жанартауы болып табылатын Килиманджароға шығу арқылы әлемдік рекорд орнатты. Бұл туралы ABC 15 телеарнасы хабарлайды.

Бұған дейін де Энн бұл шыңды бағындырған екен, алайда бірнеше ай өткеннен кейін оның рекордын бір әйел жаңартыпты. Одан соң, тағы бір ер адам ол рекордты да жаңартыпты. Сол себепті Энн Лоримор қайтадан рекорд жасағысы келіпті.

- Менің мазасызданған кезім болған, себебі мен тауға шықпай жатып, құлап қалдым. Бүйірім қатты ауырып, терең тыныс ала алмадым. Қажет мөлшерде оттегін ала алмасам, жүре алмаймын деп қорықтым, -  деп сырымен бөлісті әйел.

Алайда ойлағаны ойдағыдай орындалып, ол атағын өзіне қайтарып алды. Оның айтуынша, бұл саяхат 9 күн ішінде жүзеге асыпты.

Айта кетейік, Килиманджароның биіктігі - 5 895 метрді құрайды.