"Өзі жұмыстан кетті": Тұрғымбаев Махамбет Абисатовқа қатысты түсініктеме берді

ҚР Ішкі істер министрі Ерлан Тұрғымбаев министрдің орынбасары, генерал Махамбет Абисатовтың жұмыстан кетуіне қатысты пікір білдірді.

- Өзі келіп жұмыстан шығуға өтініш жазды. Біз оның өтінішін қанағаттандырдық, - деп түсіндірді Ерлан Тұрғымбаев журналистерге.

Десе де, Тұрғымбаев орынбасарының мемлекеттік қызметкердің этикасына жат қылық жасағанын атап өтті.

- Бірақ біз оның әрекетіне қатысты ешқандай шешім шығарып, жаза қолданған жоқпыз, - деді министр.

Айта кеткен жөн, бұған дейін ғаламторда Махамбет Абисатовтың қол астындағы қызметкерлерге дауыс көтеріп сынаған, дөрекі сөйлеген аудиожазба тарап кеткен еді.

ҚазАқпарат