Шымкент-Лондон: Әкімнің қызметінен кетуіне видео себеп болуы мүмкін

Ресейлік РИА Новости басылымының мәліметінше, Шымкенттің бұрынығы әкімі Ғабидолла Әбдірахымовтың қызметінен босатылуына, оның Лондонда жүріп жариялаған видеосы себеп болған.

Өткен аптада, экс-әкім өзінің Instagram парақшасында Лондонда жүрген сәтінен видео жариялаған болатын. Видеода Әбдірахымов Қазақстанды сүйетінін айта келе:  "Қазақстанда өмір сүріп, жұмыс жасап, әлемді аралап саяхаттау керек. Нағыз бақыт осы. Әсіресе, бізге, Отанының, жерінің нағыз патриоттары үшін", - деген сөздер айтқан болатын.

Бұл бейнежазба әлеуметтік желілерде кең талқыланған еді. Кейінірек, бұрынғы әкім өзінің Лондонда іссапарда жүргенін мәлімдеген еді.