Трамп Қытайға ультиматум қойды

Пекин Вашингтонмен сауда келісімін 2020 жылдың қарашасына - АҚШ-та өтетін президент сайлауына дейін жасасуы керек. Бұл туралы Дональд Трамп өзінің  Twitter парақшасында жазды.

Оның айтуы бойынша, егер ол екінші мерзімге сайланатын болса, бұл келісімнің шарттары Пекин үшін өте ауыр болады немесе бұл келісімшартқа мүлде қол қойылмайды. 

Сондай-ақ, Трамп Қытай экономикасының соңғы 27 жылда ең төменгі көрсеткіш көрсеткенін еске салды. 2019 жылдың бірінші жарты жылдығында Қытай ЖІӨ көрсеткішінің өсуі 6,3 процентті құраған, бұл сан 6,56 триллион долларға тең.