Трамп: Мен террористерді Еуропаға жіберемін

АҚШ президенті Дональд Трамп егер де еуропалық мемлекеттер өз еркімен азаматтарын алып кетпесе, "Ислам мемлекеті" террористік ұйымының (бұл ұйымға Қазақстанда тыйым салынған) мыңдаған жауынгерлерін Еуропаға жіберетінін мәлімдеді. 

Ол бұл туралы журналистермен болған сұхбаты кезінде айтқан, деп хабарлайды ТАСС агенттігі.

Трамптың айтуынша, Вашингтон еуропалық елдерінің азаматтығы бар 2,5 мыңға жуық террористерді Ирак пен Сирияда бақылап отырғанын айтты. 

- Олар азаматтарын алып кетпесе, біз оларды босатып жіберуге мәжбүр боламыз, - деді ол. 

Австралия, Ұлыбритания секілді елдер террористік ұйым қатарында болған азаматтарына елге қайтуға тыйым салған.