«DeMeU» білім беру орталығында тегін білім алыңыз!

Қазақстан дамушы мемлекет. ҚР Президенті Қасым-Жомарт Тоқаев еліміздің алдағы даму қарқыны әрбір азаматтың іс-әрекетіне байланысты екенін атап өтті. 2019 жылы 12 маусымда Қасым-Жомарт Тоқаев ел тізгінін қолға алып, қызметіне ресми түрде кірісті. Инаугурация кезінде Президент алдағы 5 жылда немен айналысатынын айтып, маңызды 10 бағытты айқындап берді. Ал негізгі міндеттерге халықтың қамын ойлайтын, жемқорлыққа бас сұқпайтын шенеуніктерден тұратын бәсекеге қабілетті ел құрып, байына да кедейіне де ортақ болатын әділ заң орнатып, халықтың табысын арттырып, әлеуметтік жағдайы төмен отбасыларға атаулы әлеуметтік көмектің берілуі басты назарда болатынын айтты.

Бүгінде Президент тапсырмасы Қазақстанның түкпір-түкпірінде жүзеге асуда. Әсіресе, жағдайы төмен отбасыларға қолдау білдіріп, көмек қолын созып жүргендердің қарасы көп. Осы орайда Алматыда ZhasProject жобасы аясында «Демеу» білім беру орталығы ашылмақ. Орталық әлеуметтік жағдайы төмен оқушылар мен студенттердің тегін білім алуына мүмкіндік береді. Атап айтатын болсақ 9 сыныпқа дейінгі мектеп оқушылары биология пәнінен тегін дайындық курсынан өте алады. Сонымен қатар мектеп оқушылары мен студенттер домбыра-гитара, фото-видео курстарына тегін қатыса алады. Әр үйірмеге тек 15 адамнан қабылданады. Атаулы көмек алушының әлеуметтік жағдайы міндетті түрде есепке алынады. «DeMeU» білім беру орталығының ашылуы 15 қыркүйекке жоспарланып отыр. 

Өтініш беріп, құжаттарыңызды тапсыру үшін және толық ақпарат алу үшін мына байланыс номеріне хабарласыңыз: 8 700-979-0863