Қытай АҚШ-қа ауыр соққы жасады

Қытай билігі америкалық ауыл шаруашылық тауарларының елге әкелуіне уақытша тоқтау салды. Компаниялар импортты тоқтатып, екі ел арасындағы келіссөздердің қалай аяқталатынын күтуде. Бұл туралы Bloomberg хабарлайды.

Пекиннің бұл қадамы Америка басшысы Дональд Трамптың мәлімдемесінен кейін орын алып отыр. Трамп 1 тамыз күні Қытайдан келетін импортқа 10 пайыздық баж салығын саламын деген болатын.

 - Қытай жұмсақ дипломатиялық стратегиядан бас тартып, АҚШ үшін "ойыншық" болғысы келмейді. Трамптың жаңа баж салығы туралы сөздері жағдайды одан сайын ушықтырып, кең ауқымды сауда соғысына әкеледі, - дейді Maybank Kim Eng Research Pte компаниясының сарапшылары.